Lucia på 10. trinn

I dag tysdag 13. desember, er det som kjent Luciadagen. På 10. trinn har nokre elevar vore i full sving på kjøkkenet og laga nydeleg gode lussekattar med flotte rosinauger i. "Kattane" vart servert til alle elevane på trinnet av Thomas utkledd som Lucia. I tillegg fekk dei sjølvsagt innslag av songen "Svart senker natten seg". Tusen takk til bakarane Thomas, Silje, Jenny og Emilie. Det smakte godt!

Lucia komp

Bakarane komp

I Roald Amundsen sine fotspor

Måndag denne veka hadde klasse 10B ein engelsktime der dei gjekk i Amundsen sine fotspor. Dei planla ein ekspedisjon og kva utstyr dei måtte ha med. På vegen i isaudet møtte dei ulike utfordringar som måtte løysast i god samarbeidsånd. Farlege isbjørnar som skada nokre av elevane og snøblinde, gjorde turen litt meir utfordrande. I tillegg måtte dei skrive dikt, pare norske og engelske ord saman, og gi instruksjonar til ei teikneoppgåve til kvarandre. Ein morosam time med mykje kommunikasjon på engelsk.

Jakob komp

Andreas komp

Lars komp

Ingrid komp

Juleball 2016

Det nærmar seg jul og tid for avvikling av juleball. I år blir det arrangert juleball torsdag den 15.desember på Nordfjord hotell. Fristen for å melde seg på arrangementet  er 30.november. Vi håper så mange som mogleg har høve til å møte. Alle elevar har fått med seg skriv heim om saka, men du finn det også her. 

Miljødag

Torsdag 17.november hadde 10.trinn miljødag med temaet nettvett. Vi delte opp kullet i jente- og gutegrupper denne dagen. Første del hadde vi fokus på nettvett der elevane diskuterte temaet gruppevis, før vi på slutten av 2.økt samla gruppene og dei fekk vise fram til kvarandre  det dei hadde kome fram til. Dette er eit viktig tema som vi også vil jobbe med framover. Etter lunsj fokuserte vi på fysisk aktivitet gjennom drama og ulike samarbeidsoppgåver. Elevane gjekk inn for oppgåvene med liv og lyst :) 

 

plakatene

 

ivrige gutar

heia jentene

 

bro

heile jentegjengen

First Lego League

Laurdag var gjengen i frå teknologi i praksis samla i Operahuset for å konkurrere i kunnskaps- og teknologikonkurransen First Lego League. I år var det med ni lag frå 4 skular og eit privatlag. Dei tre laga frå Eid Ungdomsskule: Skrikande Måse, Team Saude og Doge gjorde det svært godt innanfor mange av delområda i konkurransen. I robotkøyringa var alle tre laga representert i semifinalane, og Team Saude tok 2. plassen bak Volda Legoklubb. Team Saude vann og marknadsføringsprisen. Gratulerer alle saman med eit godt resultat i First Lego League. FLL Team Saude 2

LittOpera 10.trinn

10.trinn har i denne perioden jobba med operasjangeren. Dei har knytt ein klassisk litterær tekst opp mot kjende operastykke t.d. "Faderen" av Bjørnstjerne Bjørnson og operaen "Den glade enke". Elevane har øvd med liv og lyst. Torsdag den 10.november skal dei framføre det dei har laga, til dei andre elevane på trinnet. Vi gler oss! 

Faderen komp

 

 

KArens jul 2 komp

 

Veps eller kanskje ei bie komp

Victoria komp

Skulegensar

Elevrådet  ved skulen har bestemt motiv for skulegensar. Bestillingsskjema blir delt ut til elevane tysdag den 1. november. Fristen for å bestille er 13.november. Koden finn ein på bestillingsskjemaet, men også her. 

skolegenser

Hospitering 10. trinn.

På måndag og tysdag var elevane på 10. trinn på besøk hos fleire av vidaregåande skulane i området. Der fikk dei ein liten smakebit på kva som ventar neste skuleår. Her er nokre av elevane i aksjon ved Eid vidaregåande skule:

IMG 2823 IMG 2826
IMG 2815 IMG 2820

Besøk frå Opera Nordfjord

Med hausten kjem også operaen til bygda. Det gjeld og på EUS. Veldig kjekt at det er blitt ein tradisjon på Eid ungdomsskule at solistar ved Opera Nordfjord tek seg tid til å kome å snakke med elevane! Onsdag 28. september fekk 10. trinn besøk av operasongarane Ann-Helen Moen og Magnus Dorholt Kjeldal. 

Dei fortalde om korleis ein kan bli operasongar og korleis det er å arbeide som operasongarar. Ikkje minst korleis det er å jobbe og vere på Nordfjordeid. Samtidig fortalde dei og litt om årets oppsetjing "Hoffmanns eventyr". Ei kjekk stund saman med kjekke songarar, generalprøvebillettar fekk vi og!

Operasongarane 3 komp