Arbeidsveke for 9. trinn

. i kategorien Nyheiter frå 9.trinn

I veke 15 og 16 skal elevane på 9. trinn få prøve seg i arbeidslivet. Halvparten skal ha arbeidspraksis i veke 15, og den andre halvparten i veke 16.  Dei fleste skal vere på Eid, men nokre skal også ha arbeidspraksis utanfor kommunen. Elevane skal vere utplassert måndag til torsdag desse vekene, men fredagen skal dei vere på skulen. Vi har laga eigen timeplan for skulevekene som elevane har fått med seg heim, men du finn også planen her. 

Kjøtt på timeplanen

. i kategorien Nyheiter frå 9.trinn

I veke 13  planla elevane kva rett dei skulle lage ved å nytte seg av nettsida matprat.no. I veke 14 har dei laga  ulike rettar som t. d  biff med fløytegratinerte poteter, grillspyd, biffsnadder med potetbåtar, roastbiffsalat og svinekjøtt med ulike grønsaker til. I tillegg diska dei opp med flotte dessertar som t.d. pannekaker med is og bær, småformasjokoladekake med bringebær m.m. Her var det noko for ein kvar smak. Det er ikkje kvar dag at elevane kan boltre seg slik på kjøkkenet! 

IMG 0025

 

IMG 0032

 

IMG 0055

IMG 0056

IMG 0059

Vintertur 10. trinn

. i kategorien Nyheiter frå 10. trinn

Oversikt leir

Førre veke var heile 10. trinn på vintertur i Grøndalen. A og D klassa reiste opp onsdagen og måtte då lage til leiren. Dei sette opp telta sine og det skulle gravast både bålgrop og latrine.  Ein fantastisk dag i strålande sol!

Torsdag måtte telta ned før B og C klassa kom opp. Denne dagen var vêret meir variabelt, men snøbygene sette ingen dempar på humøret.

Alle elevane fekk lære å lage nødbivuakk, øve på førstehjelp, vurdere skredfare og dei svarte på ulike spørsmål i ein natursti.

Mange nytta høvet til å øve seg på ski med hopping og ulike sprell. Andre var opptatt med kreative byggverk i snøen, det vart laga både snøholer, iglo, borger og diverse tunellar.

Fredag skulle leiren ryddast; latrina, snøholene og tunellane måtte fyllast, noko som vart ei utfordring i og med at det hadde frose på i løpet av natta.

Dette var ei flott oppleving for både elevar og lærarar!

Førre veke var heile 10. trinn på vintertur i Grøndalen. A og D klassa reiste opp onsdagen og måtte då lage til leiren. Dei sette opp telta sine og det skulle gravast både bålgrop og latrine.  Ein fantastisk dag i strålande sol!

Torsdag måtte telta ned før B og C klassa kom opp. Denne dagen var vêret meir variabelt, men snøbygene sette ingen dempar på humøret.

Alle elevane fekk lære å lage nødbivuakk, øve på førstehjelp, vurdere skredfare og dei svarte på ulike spørsmål i ein natursti.

Mange nytta høvet til å øve seg på ski med hopping og ulike sprell. Andre var opptatt med kreative byggverk i snøen, det vart laga både snøholer, iglo, borger og diverse tunellar.

Fredag skulle leiren ryddast; latrina, snøholene og tunellane måtte fyllast, noko som vart ei utfordring i og med at det hadde frose på i løpet av natta.

Dette var ei flott oppleving for både elevar og lærarar!

Ungdomscamp på Mo og Øyrane vidaregåande skule på Mo, 20.-24. juni 2016

. i kategorien Nyheiter Rådgjevar

Mo og Øyrane vidaregåande skule inviterer også i år ungdomsskuleelevar (8. og 9. klasse) til ei veke med ungdomscamp på Mo, i veka etter skuleslutt.


Innhaldet i ungdomscampen vil vere praktisk retta med ulike aktivitetar innan naturbruk. Stell av husdyr, skogbruk, fisking, riding og bruk av maskiner og reiskapar er noko av det du får vere med på. I tillegg vert det lagt opp til ein overnattingstur på Mostølen og aktivitetar på kveldstid. Skulen stiller med kjeledress til bruk i husdyrbruket, og nødvendig verneutstyr i skogen.


Tilbodet, som er ein del av eit 3-årig rekrutteringsprosjekt, er gratis. Campen legg opp til ei sosial, opplevingsrik og allsidig veke i trygge og flotte omgjevnader på Mo. Skulen har internat for overnatting og matservering, så ungdomsskuleelevar frå heile fylket kan ta del.

Det er dei 20 første elevane som melder seg på som får tilbodet. Siste frist for påmelding er 1. juni.
Påmelding på skulen si heimeside www.moy.vgs.no . Ein kan også bruke denne direktelinken for påmelding: https://sfj.pameldingssystem.no/ungdomscamp-pa-mo

Kontakt underteikna for meir informasjon.
Knut Vebjørnsen
-oppdragsleiar - Tlf. 415 30 735

Vintertur på 10. trinn

. i kategorien Nyheiter

10. trinn skal på vintertur denne veka. 10A og 10D skal vere på tur onsdag 30.-torsdag 31. mars, og 10 B og 10C reiser frå torsdag 31. mars-fredag 1. april. Elevane fekk med seg brev heim om turen før påske, og de finn meir informasjon om turen HER

Skidag 9. trinn

. i kategorien Nyheiter frå 9.trinn

Onsdag 16. mars hadde 9. trinn skidag på Harpefossen. Strålande sol og godt skiføre gjorde at dette vart ein kjemedag for både elevar og lærarar. Der var elevar i både skitrekket og i langrennsløypa. Midt i Energiheisen hadde vi grill og bålkos.  

Ein strålande dag med ein fantastisk gjeng!

 

DSC 0130

DSC 0133

 

DSC 0101

DSC 0091

DSC 0096

Onsdag 16. mars: SKIDAG 8. trinn

. i kategorien Nyheiter

Onsdag 16. mars skal 8. trinn på skidag i Stigedalen. Elevane fekk med heim brev om dette måndag, og du kan sjå brevet HER. Bussane går ifrå skulen kl 09.00, så då er det berre å håpe på sol og godt skiføre.

Skidag 9. trinn

. i kategorien Nyheiter frå 9.trinn

9. trinnet har bestemt seg for skidag onsdag 16.mars på Harpefossen med vekt på alpint, men det blir også høve til å nytte langrennsskia. Elevane møter på skulen til vanleg tid, bussane går kl. 9.00. Alle har fått med seg eit skriv heim om skidagen, men du finn det også her. Då satsar vi på sol og fint vær onsdag. sol

Framsyning Sal & Scene

. i kategorien Nyheiter

Torsdag 17. mars inviterer elevane som har valfaget sal og scene elevar og lærarar på 7. trinn til framsyning på musikkrommet. Elevane vil her vise fram det dei har jobba med i dette faget etter jul. 

 

dans