Sommaren 2016

. i kategorien Generelle nyheiter frå skulen.

Eid ungdomsskule ynskjer elevar, føresette og lærarar ein god sommar. Vi ynskjer elevane velkomne tilbake den 15. august kl. 08.50 og lærarane den 9. august kl. 08.30.

God sommar!

Aktivitetsdag EUS

. i kategorien Nyheiter frå 9.trinn

Torsdag 9.juni var det aktivitetsdag på EUS. I år vart det berre ein halv dag, det vanlege  sykkelløpet vart avlyst pga vegarbeid. Derfor vart det  ulike oppgåver som skulle løysast klassevis på skuleområdet som t.d. trillebårløp, klossebygging, balansering på line, stafett og quizmaster. Elevane var ivrige og løyste oppgåvene på ein god og kreativ måte. Veret var fint, men litt kaldt. Det var derfor viktig å halde seg i aktivitet. Strålande innsats av elevflokken!

Popstjerne på besøk på 8. trinn!

. i kategorien Nyheiter frå 8.trinn

IMG 3504 red

Denne veka var 8. trinn så heldige å få besøk av Eid si eiga popstjerne: Aleks Grey!

Med temaet musikk i engelskfaget, slo vi like godt to fluger i ein smekk. Elevane fekk ein flott presentasjon på engelsk, der Aleksander snakka om korleis det heile starta, kvar han står i dag og kva planar han har framover. Vi fekk også høyre om livet på LIPA, og ein artig demonstrasjon av korleis engelsk blir snakka i Liverpool :) Elevane var flinke til å stille han spørsmål på engelsk. Vi fekk og ein liten intimkonsert, der Aleks song og spelte gitar!

Både elevar og lærarar syntest dette var ei super oppleving!

TUSEN TAKK FOR BESØKET! 

 

IMG 3506 red

KUH utstillinga - 10. trinn

. i kategorien Generelle nyheiter frå skulen.

Elevane på 10. trinn har utstilling av kunst og handverksprodukt i "nye" gangen på skulen. Kom berre og sjå kor mykje fint dei har laga!

IMG 0115 800x600 IMG 0121 800x600
IMG 0128 800x600 IMG 0131 800x600

På tur med Bondelaget

. i kategorien Nyheiter frå 9.trinn

Fredag 3.juni var 9.trinn på besøk i Heggjabygda. Bondelaget inviterte til gardsbesøk hos Helge Melheim og hos samdrifta til Oddbjørn og Hans Frislid. Der fekk elevane prøve ut ulike aktivitetar som høyrer til gardsarbeidet. I strålande vær fekk dei prøve seg på både hesjing, vedkløyving og nærkontakt med dyr. Bondelaget laga også til grillmat til elevane. Dagen vart avslutta med ein fotballkamp mellom Bondelaget og elevane. Takka vere forsterkningar frå lærarstanden, endte kampen uavgjort. Takk til Bondelaget for ein strålande dag. 

 

Kopi av IMG 2599

 

 

På låven 2

Tur til Aasentunet

. i kategorien Nyheiter frå 9.trinn

9. trinn har vore på tur til Aasentunet 1.juni. Ein glad gjeng sette seg i bussane kl. 9.00 for å nå ferja på Folkestad. I kafeen på ferja vart det rift om svelene, og dei som kom fyrst til mølla fekk kjøpe. På Aasentunet  fekk vi  både omvisning og infomasjon om Ivar Aasen. Det vart ein svært lærerik tur for elevane. 

amfi

9b komp heile gjengen

 

Filmsalen blanda drops

Avslutning på kjøkkenet

. i kategorien Nyheiter frå 9.trinn

Eit skuleåret går fort! Vi er allereie i gang med avslutninga på kjøkkenet for 9. trinn. Denne veka har dei fått vist at dei kan bake kaker, dekke festbord og lage ulike salatar.  Dei har fått vist fram alt dei har lært i løpet av året. Det vart ei triveleg stund på kjøkkenet med god mat. 

9c festbord komp               

 

 

 

    

 9b buffet komp

9b jakob og Olav komp

Tilbake til 1800-talet

. i kategorien Nyheiter frå 8.trinn

8. trinn har siste vekene arbeidd med Storyline om livet på Eid på 1800-talet. Etter å ha blitt fordelt og sett inn i kvar sine familiar, har elevane laga rollespel om livet i familien. Dei har og teikna huset til familien og dei ulike karakterane i familien sin. I dag framførte dei meisterverka sine som omhandla det til dels turbulente familielivet på 1800-talet, som innebar mykje hardt arbeid, sjukdom, vanskele kjærleik og kampen for å brødfø familiane sine. Etter framsyninga vart det ein velfortent matbit i Jektehola. Etter mat fekk elevane bryne seg på gamle leikar og aktivitetar, i tillegg til ein quiz med gamle reiskapar som dei skulle finne ut kva blei nytta til. Alt i alt ein kjekk dag ute i sola! :) 

DSC 0068

Tinestafetten 2016

. i kategorien Generelle nyheiter frå skulen.

Tysdag den 10.mai  var 8. og 9. klasse på Tinestafetten i Hornindal. Med høg temperatur og nydeleg vårsol, var det duka for ein fin stafett.

For 8. klasse sprang B klassa inn til ein 2. plass på tida 3,55,90. A og C klassa kom inn til 4. og 6. plass.

For 9. klasse sprang B klassa inn til ein 2. plass på tida 4,00,40. A og C klassa kom inn til 4. og 7. plass.

Du kan sjå heile resultatlista her. 

God innsats frå alle :) 

lagbilete 8.trinn

lagbilete 9. trinn