Haustgildet

. i kategorien Nyheiter frå 9.trinn

1.desember inviterte arbeidslivsfag 9.trinn til haustgilde på Eid ungdomsskule. Gjestar ungdomen set stor pris ,på vart inviterte til eit festmåltid beståande av tre rettar med ingrediensar frå lokalmiljøet.

Dette var den store eksamenen for elevane som har fordjupa seg i restaurant og matfag sidan skulestarten  i august. Elevane har utvikla seg enormt sidan vi byrja med egg som ingrediens, og kunne no slå på stortromma med tre-retters i stjerneklassen. Vi har laga mat både på kjøkken og ute i naturen gjennom desse månadane, og elevane har stått for planlegging, innkjøp og gjennomføring.

Vi må takke Måløy VGS restaurant og matfag for strålande opplegg då vi fekk besøke dei, vi må takke skuleleiinga som legg til rette for at vi i dette faget kan jobbe praktisk med rammer som legg til rette for god læring og ikkje minst alle dei fantastiske foreldra som gir oss råvarer til matlaging J

Dette går i minneboka som ein fantastisk dag for elevar, lærarar og ikkje minst gjestane som fekk nyte godt av kunnskapen vi har tileigna oss.

 

Menyen

Ved bordet 2

 

Heile gjengen samla

Yrkesorientering 9. trinn

. i kategorien Nyheiter frå 9.trinn

Onsdag 15. november hadde 9. trinn yrkesorientering. Elevane hadde i forkant av dagen valt seg ut fire yrke som dei vile høyre om. Temaet for dagen var mellom anna: 

  • Utdanning til yrket
    • Spesielle krav og fagkombinasjonar
    • Utdanningsvegar
    • Vidareutdanning
  • Moglegheiter til andre  typar yrke med slik utdanning
  • Arbeidsoppgåver / kva går jobben ut på
  • Personlege føresetnader for å gå inn i yrket

Elevane har  fått høyrt om: arkitekt, frisør, mekanikar, elektrikar, sjukepleiar, dyrlege, tømrar, barnehagelærar, psykolog, politi, gardbrukar og lærar. Det har vore ein interessant dag der elevane har lært mykje. Takk til alle som har stilt opp og gjort det mogleg for oss å gjennomføre opplegget :) 

 

KAriann til heimesida

First Lego League

. i kategorien Nyheiter

Laurdag vert det arrangert First Lego League i Operahuset. I år er det heile 20 lag med i konkurrannsen! Det vert spennande å sjå korleis det vil gå med dei to laga i frå Teknologi i Praksis. Ta deg gjherne ein tur innom Operahuset i morgon. Konkurransen starar 10.00. 

 

20171102 133420watertrans

Valfaget Sal & Scene

. i kategorien Nyheiter frå 9.trinn

Klar til førestilling

Torsdag 2.november var siste dag med valfag i haust No blir det ein pause til etter jul før det blir nye rundar. Vi var så heldige at vi fekk lage barnehageframsyningar. Elevane hadde laga ulike eventyr, barnetv - inspirerte stykke som ungane kjende godt igjen i. Framsyninga vart tekne godt i mot av eit engasjert publikum og alle elevane hadde ei storvegs oppleving :-) Tusen takk til Gjerdane-, Golvsengane-, og Eid barnehage for at de tek så godt i mot oss! 

 

Tornerose komp

Publikum fekk vere med

Miljødag på 9. trinn

. i kategorien Nyheiter frå 9.trinn

Tysdag 24. oktober hadde 9. trinn miljødag. Denne dagen hadde vi tema som vennskal og nettvett på agendaen. Dette er tema som vi ser at det er viktig å snakke om. Først såg vi filmar om emnet, før vi hadde kafe'dialogar om temaet. Her kom det fram mange viktige synspunkt. På slutten av dagen var elevane samla i idrettshallen, og laga dansar knytt til ulike sider ved temaet vennskap. Vi fekk også tid til eit felles svelemåltid i løpet av dagen. Ein innhaldsrik og gjevande dag. 

dansen tar form komp

Hospitering 10.klasse

. i kategorien Nyheiter

Hospitering for 10.klasse - 30. og 31. oktober 2017

Måndag 30.oktober og tysdag 31.oktober er det hospitering på vgs. for 10. klasse. Lærarane har oversikt over kven som skal på dei ulike skulane og dei ulike utdanningsprogramma. 
Dei vidaregåande skulane har lagt ut viktig informasjon om hospiteringa på heimesidene sine (sjå lenker under).

Det er viktig at både elevar og lærarar får denne informasjonen før ein reiser. Enkelte elevar skal t. d. ha med seg ulike typar kle.

Detaljerte tidsskjema finn de på lenkene under.

Eid vgs

http://www.eid.vgs.no/hospitering-30-og-31-oktober.6046921-367078.html

Firda vgs

http://www.firda.vgs.no/utdanningsval-hospitering.5908307-367183.html

Måløy vgs

http://www.maloy.vgs.no/utdanningsval-10-klasse.6039265-367802.html

Stryn vgs

http://www.stryn.vgs.no/hospiteringsdagar-for-10-klasse.6035281-368015.html

Oversikt over busstider:

Stad

Tur

Retur

Lærar måndag

Lærar tysdag

Sandane

09:15

14:55

Kari

Ingebjørg

Stryn

07:40

15:30 – 16:17

Reidun

Irene

Mo

07:15

15:55 (tysdag)

 

 

Måløy

08:55

14:15  (måndag)

16:00 (tysdag)

Lise

Reidun

  • Det er bestilt plass på bussane frå Eid. 
  • Dei elevane som skal på hospitering på Firda vgs og Måløy  og tar skulebuss gjer dette som vanleg.  Desse bussane SKAL korrespondere med bussen til Sandane.
  • Dei som skal til Stryn og Mo må komme seg til Nordfjordeid rutebilstasjon til rett tid.

HOSPITERING PÅ EID VGS:
Elevane som skal hospitere på Eid vgs. møter til vanleg tid på ungdomsskulen kl. 08.50. Ein går i lag til vgs. ca. kl. 09:45

Hospiteringa vert avslutta ca kl. 14.10 både måndag og tysdag. Dei elevane som brukar skulebuss tar den som vanleg frå EUS.

Lærarane i dei ulike klassane vil informere elevane om kvar dei skal og kven som skal vere med av lærarar. Er det noko som er uklart, MÅ ein ta kontakt med kontaktlærar / dei lærarane som skal til dei ulike skulane.

Ein kan og sjølvsagt kontakte rådgjevar.

Lykke tilJ

 

Sveinung Alværn