Skidag 8. trinn

. i kategorien Nyheiter

Onsdag hadde 8. trinn skidag på Tua. Etter ein tur innover mot Movatnet, var det skileik, bålkos og stafettar som var i fokus. Flott ver gjorde dette til ein kjempedag i snøen. IMG 1279

Skidag 9. og 10. trinn torsdag

. i kategorien Nyheiter frå 10. trinn

På torsdag inviterer vi alle elevane med på skidag på Harpefossen skisenter.

Bussane forlet skulen 09.00 og vi er attende på skulen i god tid før skuleslutt.

Sal av dagskort og oppstart av heisane vil vere kl 09.30. Furuhogane held ikkje ope denne dagen.

Prisar:

Langrenn heilt gratis  

Dagskort kr  205,- (Då kan alle opne heisar nyttast.)

Skiutleiga vil vere open. Pris for leige av komplett alpinutstyr: kr 240,-  

Sesongkort kan nyttast

Kiosken er ikkje open – ta med niste!

Grilling føregår ved grillhytta nede i trekket, lærarar er til stades der heile tida.

 

Vel møtt til ein strålande skidag i vakker natur :)

Helsing lærarane på 9. og 10.trinn

Fartsmåling i 10A

. i kategorien Generelle nyheiter frå skulen.

Kl. 10 A i full gang med å dra «kvardagsmatematikken» inn i undervisninga. Her vart dei klokka inn på tid.

IMG 5672 IMG 5671

Nytt lager til kunst og handverk

. i kategorien Generelle nyheiter frå skulen.

Vi har i lenger tid mangla lagerplass til elevane sine kunst- og handverksprodukt. For nokre frå veker sidan fekk vi tilbod om brukte reolar av vidaregåande. Vi takka ja og idag er vaktmeisterane igang med å montere reolar og dele av nederste i KH rommet til lagring av elevprodukt. Dette skal bli bra!

Lager til kunst og handverk

Hospitering for 9. klasse - 9. og 10. mars.

. i kategorien Nyheiter Rådgjevar

Måndag 9. mars og tysdag 10. mars er det hospitering på vgs. for 90. klasse. Lærarane har oversikt over elevane sine val med tanke på val av utdanningsprogram og skule.
Dei vidaregåande skulane har lagt ut viktig informasjon om hospiteringa på heimesidene sine (sjå lenker under).

Det er viktig at både elevar og lærarar får denne informasjonen før ein reiser. Enkelte elevar skal t. d. ha med seg ulike typar kle. Kvar einskild elev pliktar å lese denne informajsonen i god tid før ein reiser på hospiteringa. 

Hospiteringa varer stort sett frå kl. 10:00 til 15:00 desse to dagane. Detaljerte tidsskjema finn de på lenkene under. På Firda blir det lagt opp til at ein kan ta bussen som går tilbake til Eid kl 14.55

Lenke til dei ulike skulane:

Rådgjevar bestiller plass på bussane. Reiserute til dei ulike skulane frå rutebilstasjonen på Eid er slik :

Stad Tur Retur Lærar som blir med måndag Lærar som blir med tysdag
Sandane 08:45 14:55  Marita T.  Siri 
Stryn 08:40   15:30  Marita R.  Sølvi L.T. 
Måløy 08:45

Måndag: Kl 14:25 frå Tennebø,vgs
Tysdag : Kl 16:05 frå Tennebø,vgs

 Ståle  Sveinung 
         

Desse tidene gjeld begge dagane.

  • Lærarane som er med dei ulike bussane har med lapp med oversikt over kor mange som reiser (vaksne og barn). Hugs lapp til retur også.
  • Det er bestilt plass på bussane frå Eid. 
    Alle elevar som skal til Stryn vgs på hospitering, MÅ følgje Nordfjordexpressen. Den er på Eid kl. 08.30. Skal ein følgje denne bussen må ein sjølvesagt kome seg til riksvegen i tide og for eiga rekning. DET ER VIKTIG AT EIN GJEV SKIKKELEG TEIKN TIL BUSSEN OM AT EIN VIL FØLGJE DENNE BUSSEN.
    Dei elevane som kjem frå Hjelle og som skal til Stryn, kan gå på Nordfjordexpressen på Hjelle.
  • Dei elevane som bur på Hjelle og som skal på hospitering på Firda vgs eller Måløy vgs., kan følgje skulebussane. Desse bussane SKAL korrespondere med bussen til Sandane og Måløy.
  • Elevane som skal hospitere på Eid vgs. møter til vanleg tid på ungdomsskulen kl. 08.50. Ein går i lag til vgs. ca. kl. 09:45.

HOSPITERING PÅ EID VGS:
Hopsiteringa på Eid vgs brukar å vere ferdig til kl 14:30. Elevane følgjer då ordinær skulebuss heim. Hugs busskort!

Lærarane i dei ulike klassane vil informere elevane om kvar dei skal og kven som skal vere med av lærarar. Er det noko som er uklart, MÅ ein ta kontakt med kontaktlærar / dei lærarane som skal til dei ulike skulane.

Peder :)

Arbeidslivsfag igang med uteområde

. i kategorien Generelle nyheiter frå skulen.

Elevane på 10. trinn er godt igang med opprydding og klargjering av uteområde. Dei hadde godt handelag med kostar, spadar m.m. - "høg måloppnåing" på denne jobben.

Våropprydding

Kjøtt på timeplanen

. i kategorien Generelle nyheiter frå skulen.

I veke 9  planla elevane kva rett dei skulle lage ved å nytte seg av internettsida matprat.no. I veke 10 har dei laga  ulike rettar som t. d  biff med fløytegratinerte poteter, biffnadder, kotelettar med ulike grønsaker til. I tillegg diska dei opp med flotte dessertar som t.d. bærkake eller jordbærrullade. Her var det noko for ein kvar smak. Det er ikkje kvar dag at elevane kan lage slike flotte middagar ! Fleire bilete frå matlaginga  finn du i fotoalbumet.Sjå berre litt av det her:

IMG 5634IMG 5659IMG 5661IMG 5668

Fleire bilde kjem i fotoalbum.

Elevane klare for klassequiz

. i kategorien Generelle nyheiter frå skulen.

IMG 5678

Elevane på 10. trinn er klare for NRK sin klassequiz. Lykke til! Dei fekk 10 poeng og går vidare :) Gratulerer!

18. mars mellom 14.00-15.00 blir det "grand" finale i Førde mellom Sande, Olden og Eid ungdomsskule.