Besøk av nye 8. klassingar

. i kategorien Generelle nyheiter frå skulen.

Idag er skulen ekstra full med besøk av 76 flotte ungdomar som er klare for nye utfordringar på ungdomssteget frå hausten av. Idag har dagen gått med til å bli litt kjend med skulen og dei nye medelevane. Sjå berre her:

IMG 5391 IMG 5392
IMG 5395 IMG 5396

9. trinn på gardsbesøk på Løkja

. i kategorien Nyheiter frå 9.trinn

Tysdag 27. mai vart ein flott dag for elevane på 9. trinn! Eid bondelag inviterte heile gjengen på gardsbesøk på Løkja, noko som betydde fine opplevingar og nye erfaringar for mange. 

Elevane var på besøk i fleire fjøsar og på Løken besøksgard, og dei fekk prøve seg på vedhogst og natursti. Nokre fekk ri på hest, medan andre gjekk for hesteskokasting.

Vertskapet spanderte lunsj med grillmat, juice og yoghurt, noko elevane visste å setje pris på! Det var også fotballkamp mellom bønder og elevar, ein kamp bøndene vann 3-2; visstnok med livet som innsats...

I etterkant skal det kårast ein vinnar av naturstien, og her har bondelaget gjeve ein ettertrakta premie; nemleg eit Malakoffpass! Det er nok mange som er spente på kven som blir den heldige vinnaren.

Vi ynskjer å rette ein STOR takk til Eid bondelag for alt arbeidet dei har lagt ned for å kunne invitere så mange elevar på heildagsbesøk - det var ei flott oppleving!

Helsing elevar og lærarar på 9. trinn!

214 red

 

  

Fysisk aktivitet og helse

. i kategorien Generelle nyheiter frå skulen.

Fredag den 23.mai gjennomførte valfaget Fysisk aktivitet og helse kombinert sykkel og friidrettsdag. Oppstarten var ei 10 kilometer lang løype frå Eid idrettshus, ut til den svære fellesfjøsen på Løkjaveien og retur til Klenkarberget stadion. Samtlege elevar fullførte rittet, og hadde god margin i høve krav til idrettsmerket for deira årstrinn.

Deretter  venta det stasjonar knytt til friidrett for elevane. Innan idrettane kule, høgde, liten ball, lengde og 60 meter vart elevane testa opp mot krav til idrettsmerket. Ein flott gjeng gjennomførte med stil, og det flotte anlegget på Haugen var ypperleg arena for ein slik aktivitetsdag. Bygda var bada i sol og eit myldrande liv av elevar på Klenkarberget laga liv og røre for naboane. På slutten hadde vi litt kappløp på sykkel, før alle reiste smilande heim til sitt etter ein perfekt dag. Nok ein gong syner ungdomen frå Eid seg som fantastiske individ å ha med å gjere. Positivitet, glede og vilje til å prøve seg prega dagen som vil gå i minneboka som ei svært god oppleving.

IMG 3962red IMG 3979red
IMG 3994red IMG 3995red

Bilete frå dagen kan du sjå her i fotoalbumet vårt.

 

 

TINE-stafetten

. i kategorien Generelle nyheiter frå skulen.

Torsdag 15.mai var Eus på tur til Hornindal med heile 8 lag, 64 løparar i konkurranse mot Stryn og Hornindal i den årlege tinestafetten. I lett regn og kjølige tilhøve varma vi godt opp inne i kantina og den splunkande nye idrettshallen.

8.klasse var først ute av våre, og allereie tidleg i løpet synte det seg at Hornindal skule skulle sjå seg vanskeleg å slå. Men elevane frå Eus sto på, og enda til slutt opp med 2., 3. og 4.plass. 8b vart nummer 2, 8c nummer tre og 8a nummer fire. 8d var uheldige med nokre vekslingar og enda på sisteplass, men vann stor gunst blant det fåtallige publikummet gjennom iherdig innsats for å hente inn det tapte.

Då startskotet gjekk for 9.klasse var det tidlege teikn på at dette skulle bli eit intenst internt oppgjer mellom 9a og 9d. 9a gjekk sigrande ut etter ein veldig tett kamp heile stafetten igjennom. 9 b blei nr 7 medan 9 c blei nr 5.

Ein flott gjeng som representerte Eus gjekk glade i bussen etter å ha kapra 4 av 6 mogelege pall-plasseringar. Når elevane i tillegg syner framifrå åtferd og er flotte representantar for ungdomen i Eid kommune vart dette ein strålande dag for alle knytt til Eus.

IMG 3951red

Bilete frå dagen kan du sjå på Fjordabladet si nettside eller her i fotoalbumet vårt.

Dans på skuleplassen

. i kategorien Generelle nyheiter frå skulen.

9. trinn avslutta siste time i dag med dans ute. Skulen har oppgradert musikkanlegget i kantina med utehøgtalarar. Alt ligg no til rette for at ungdomane våre kan gå ut i friminutta og nyte god luft og fin natur.

IMG 5363

Ny volleyballbane opna i dag

. i kategorien Generelle nyheiter frå skulen.

Eid ungdomsskule har dei siste par åra hatt fokus på å oppgradere uteområdet. Elevane har jobba fram idear og vaksne medhjelparar har bidrege med den praktiske tilrettelegginga. Elevane hadde ei stor "fuglereir-disse" og volleyballbane på gras som sine høgste ynskje og no er dette realisert. I dag hadde elevane som har jobba med praktiske gjeremål i lag med vaktmeistrane og lærarane sine opna volleyballbana. I strålande sol så kan ikkje omgivelsane bli betre!

IMG 5360

Trinnets årsmøte 8.klasse

. i kategorien Nyheiter frå 8.trinn

8. trinn har akkurat gjennomført trinnets årsmøte. Elevane fekk vise fram noko av det dei har arbeidd med siste året, blant anna boksirkel, skidag, gute- og jentedag og eit praktisk matematikkprosjekt. Alle elevane hadde og øvd inn ein song og viste fram arbeid frå kunst og handverk. I tillegg hadde både foreldre og elevar diskusjonsgrupper om mobilbruk og sosiale media. Vi takkar foreldre og elevar for godt oppmøte!

 IMG 0692  IMG 0696


IMG 0700

 

NTNU-besøk i Trondheim

. i kategorien Nyheiter frå 10. trinn

Fredag var gjengen frå "The Waves" på besøk hos Norges teknisk-naturvitenskaplige universitet (NTNU) i Trondheim. Dette var ein velfortjent premie som gjengen fekk pga. det gode resultatet i First Lego League 2014. Elevane fekk ein liten rundtur på det store univeritetet, og ein smakebit på framtidas teknologi. Dei fikk og kvart sitt elektronikksett, slik at dei kan lage ulike elektroniske apparat. Kanskje vil nokre av desse elevane gå på dette univeritetet om nokre år?


NtnuEidSkole-6459

NtnuEidSkole-6385

ANT på 8.trinn

. i kategorien Nyheiter frå 8.trinn

8. trinn har denne veka hatt ein halv dag med ANT-opplegg. I år har vi valt å halde fokus på generell helse og tobakk.
Elevane har diskutert kva som kan påverke helsa vår positivt og negativt. Dei har og fått innblikk i korleis tobakk påverkar helsa vår gjennom gruppeoppgåver og quiz. Dei har og vore ute i sola og prøvd seg på trappeløp med og utan sugerør. 

ant 8ac april 2014 20140425 1062022733