Elevar på 8. trinn har denne veka arbeidd med temaet «Historiske kjelder» i samfunnsfag. Dei jobba i grupper og fekk utdelt fleire gamle gjenstandar. Oppgåva var å finne namnet og alder på reiskapane, og eventuelle moderne erstattarar som ein brukar i 2014. Dei fekk blant anna undersøkje vaskebrett frå 1950, alen frå 1800-talet, skøyter frå 1914, audio og videokassettar frå 1990-talet, gamalt kjøkkenutstyr og skrivesaker. Dette var ei praktisk og interessant øving. Elevane viste stort engasjement i arbeidet!

I år har vi nesten hundre elevar på valfaget sal og scene! Dei er no i full sving med oppgåva si: å lage ei musikalsk dramaframsyning som skal visast i barnehagane.

Det har ikkje mangla på fantasi undervegs og publikum vil møte mange ulike figurar på scena. Her vil det dukke opp kjenningar frå barnesongar, film og barne-tv, men og figurar som elevane har dikta opp sjølve.

Neste veke er det full generalprøve med sminke og kostyme, før barnehagane får besøk i veke 45. Det gledar vi oss til!    

Alle tilsette ved EUS vart kursa i førstehjelp i haust. Sjå berre her:

Måndag 27. oktober og tysdag 28 oktober er det hospitering på vgs. for 10. klasse. Lærarane har oversikt over kven som skal på dei ulike skulane og dei ulike utdanningsprogramma. 
Dei vidaregåande skulane har lagt ut viktig informasjon om hospiteringa på heimesidene sine (sjå lenker under).

Det er viktig at både elevar og lærarar får denne informasjonen før ein reiser. Enkelte elevar skal t. d. ha med seg ulike typar kle.

Hospiteringa varer stort sett frå kl. 10.00 til 15.00. Detaljerte tidsskjema finn de på lenkene under. På Firda blir det lagt opp til at ein kan ta bussen som går tilbake til Eid kl 14.55

Lenke til dei ulike skulane:

• Eid vgs.
• Måløy vgs.
• Firda vgs
• Stryn vgs.
• Mo og Jølster vgs. (informajosn er utdelt til elevane)

Rådgjevar bestiller plass på bussane. Reiserute til dei ulike skulane frå rutebilstasjonen på Eid er slik :

Desse tidene gjeld begge dagane.

• Det er bestilt plass på bussane frå Eid. 
  Alle elevar som skal til Stryn vgs på hospitering, MÅ følgje Nordfjordexpressen. Den er på Eid kl. 08.30. Skal ein følgje denne bussen må ein sjølvesagt kome seg til riksvegen i tide og for eiga rekning. DET ER VIKTIG AT EIN GJEV SKIKKELEG TEIKN TIL BUSSEN OM AT EIN VIL FØLGJE DENNE BUSSEN.
  Dei elevane som kjem frå Hjelle og som skal til Stryn, kan gå på Nordfjordexpressen på Hjelle.
• Dei elevane som bur på Hjelle og som skal på hospitering på Firda vgs eller Måløy vgs., kan følgje skulebussenbussen. Desse bussane SKAL korrespondere med bussen til Sandane og Måløy.
• Elevane som skal hospitere på Eid vgs. møter til vanleg tid på ungdomsskulen kl. 08.50. Ein går i lag til vgs. ca. kl. 09:45.

HOSPITERING PÅ EID VGS:
Dei elevane som rekk skulebussane frå ungdomsskulen kl. 14.35, følgjer sjølvsagt den vanlege bussen. Hugs busskort!

Lærarane i dei ulike klassane vil informere elevane om kvar dei skal og kven som skal vere med av lærarar. Er det noko som er uklart, MÅ ein ta kontakt med kontaktlærar / dei lærarane som skal til dei ulike skulane.

Er det noko som er uklart, MÅ elevane spørje lærar eller rådgjevar. 

Peder :)

Valfaget Internasjonalt samarbeid har fått til eit flott samarbeid med innføringsklassa på Eid vidaregåande skule. Torsdag 16.10. spelte vi basketball med svært god instruksjon av Gytis Kaminskis frå Litauen. Han har tidlegare spelt på landslaget i Litauen og hadde mange gode tips. Det var tydeleg at dette var ein felles aktivitet som fenga elevane!

I veke 39 hadde 8.trinnet Bli Kjend Kveld på skulen. Elevane hadde laga eit variert og godt program, som dei viste fram for dei føresette. I tillegg hadde vi besøk av rektor, som holdt ei lita tale. Vi kosa oss med masse god mat og til slutt var det diskotek på musikkrommet og sosial prat i mediateket. Alt i alt var det ein kjempekjekk kveld :)

Alle føresette til elevar på 8., 9. og-10. har fått invitasjon til å lære meir om den digitale kvardagen barn- og unge lever i. Bruk hue kampanjen - Norges største kampanje mot digital mobbing inviterar til stormøte i Aulaen på Fjordane Folkehøgskule ikveld kl. 18.00-19.30. Møt opp!

Alle tillitselevane 14/15 vart idag skulerte i å vere tillitsvald for ei klasse. Rektor og lærar for elevrådet har gjennomført elevrådkurs slik tradisjonen er ved skulen.

9D «framførte» ei tidslinje over viktige hendingar i historia til hinduismen på skuleplassen. Lærar Sølvi L.T. sa at elevane var veldig engasjerte då dei førebudde aktiviteten på klasserommet, og flinke til å formidle stoffet til medelevane. Kjekk aktivitet med positive elevar J

Onsdag 24. september kl. 19.00 inviterer 8. trinn til Bli kjent kveld på Eid ungdomsskule. Alle elevane har fått med seg eit skriv heim om saka, men du finn det også her.