Trinnets årsmøte 8.trinn 25/4

. i kategorien Generelle nyheiter frå skulen.

Til elevar og føresette på 8. trinn

Trinnet sitt årsmøte 25.04.17

Vi inviterer med dette elevar og føresette til trinnet sitt årsmøte tysdag 25. april kl. 19.00-21.00.

Tillitselevar, foreldrekontaktar og kontaktlærarar har planlagt møtet.

Program:

  • Felles økt i mediateket
    • Besøk av Bjarte Gangeskar
    • Elevinnslag
    • Helsing frå administrasjonen
  • Felles matpause
    • Vi ber alle om å ta med eit fat med mat – så deler vi med kvarandre. Ber om   at de tek med mat ein ikkje treng bestikk for å ete.
    • Kaffi og te blir laga på skulen
    • Elevane tek med seg drikke sjølve
  • Samling klassevis om lag kl. 20.30
    • Oppsummering av 8.klasse så langt. Foreldrekontaktane tek imot innspel her.
    • Val av foreldrekontaktar
    • Ev andre saker

Lærarar, tillitselevar og foreldrekontaktar på 8. trinn ynskjer alle velkomne!

Årsmøte 10.trinn

. i kategorien Nyheiter frå 10. trinn

Torsdag 20.april kl. 19.00 avviklar 10. trinn sitt årsmøte. Vi får m.a. lensmann Hvattum på besøk denne dagen, i tillegg skal  vi ha tilbakeblikk på året som har gått ved elevane. Alle elevar har fått med seg eit skriv heim, men du finn det også her. Vel møtt! 

Internasjonal mat

. i kategorien Nyheiter frå 9.trinn

Denne veke har 9. trinn laga rettar frå ulike land. Dei har konsentrert seg om landa; India/Kina, Italia, Spania og Hellas. Det har blitt laga mange spennande rettar som t.d. Tikka Masala og nanbrød. I tillegg har dei fortald om mattradisjonane til landet som dei har valt og knytt dette opp mot norske kostråd. 

 

Middagsrettar komp

Dessert komp

Klassequiz - gratulerer Stryn!

. i kategorien Generelle nyheiter frå skulen.

Elevane var nesten reiseklare til fylkesfinalen då ordføraren dukka opp for å ønskje dei lykke til!

Ordføraren ynskjer elevane lukke til 640x474

Finalen gjekk igår ettermiddag og elevane gjorde ein framifrå innsats, men Stryn vann. Gratulerer med innsatsen til alle som deltok.

10.klasse sin vintertur

. i kategorien Nyheiter frå 10. trinn

Da har vi gjennomført en flott vintertur i Grøndalen. Vi hadde ein flott tur med bra ver på tysdag, litt overskyet , men med god temperatur. Etter at vi hadde etablert leiren var det tid for ulike aktivitetar som opplæring i pakking, terrengvurdering, snøprofil, men og hopping på ski og aking. Om kvelden var det kos rundt bålet med gitarspeling og song. Onsdag morgon vakna vi til strålande sol og nye aktivitetar. Det vart ein strålande tur med ein strålande gjeng :) 

Leiren

Kos i snøen

Olav i hopp 3

Bålstemning 2

Det blir vintertur for 10.trinn

. i kategorien Nyheiter frå 10. trinn

Det blir vintertur i Grøndalen tysdag 28. til onsdag 29.mars. Bussane går kl. 9.00 med retur kl. 13.15 på onsdag :) Sjå skriv for utfyllande informasjon. Vermeldingane er gode!

10. klasse er klare for avreise, god tur!

Klare for avreise 280217 640x480

Vintertur 10.trinn

. i kategorien Nyheiter frå 10. trinn

Det nærmar seg tid for vintertur for 10. trinn. Vi sjekkar vermeldinga titt og ofte og håper no på å få avvikle turen tysdag og onsdag i neste veke. Endeleg avgjerd om saka tar vi på måndag den 27.03. Elevane har fått med seg heim eit skriv om turen, men du finn det også her. 

Valfag skuleåret 2017 - 2018

. i kategorien Generelle nyheiter frå skulen.

Elevane på 8. og 9. trinn skal før den 4. april velje valfag for neste skuleår. Dei har sju ulike valfag å velje mellom:

1. Design og redesign (a. Trearbeid/metall/mekaniske fag eller b. tekstil/saum/tråd/gjenbruk )

2. Fysisk aktivitet og helse

3. Internasjonalt samarbeid

4. Natur, miljø og friluftsliv

5. Programmering

6. Sal og scene

7. Teknologi i praksis

Det er viktig at elevane ilag med føresette tenker nøye gjennom kva dei skal velje, då det ikkje vert høve til å gjere omval. Alle fekk valskjemaet med heim onsdag den 22. mars, men du finn det også HER 

Kva for nokre valfag vi faktisk tilbyr ved oppstart av skuleåret, kjem an på korleis elevane vel. Vi er avhengige av eit minimumstal elevar for å kunne starte opp eit valfag. Det er difor slik at alle må setje opp fire val, og dessverre ikkje slik at alle kan få førstevalet sitt.

Lukke til! 

Invitasjon til årsmøte for 9. trinn

. i kategorien Nyheiter frå 9.trinn

9. trinn skal ha årsmøtet sitt onsdag 5. april kl. 18.30. Då blir det høve til å få vite meir om noko av det elevane har arbeidd med dette året. Den nye kommunepsykologen, Marthe Oldren Smørdal, vil halde eit foredrag for dei føresette, og det blir sjølvsagt tid til god mat og prat!

Elevane har fått med invitasjon heim i dag, men denne finn du også her.  

Klassequiz - vi er i finalen!!

. i kategorien Nyheiter frå 10. trinn

Måndag 20. mars vart det avklara kven som gjekk vidare til fylkesfinalen i klassequizen. Eid var den einaste skulen med full pott, 12 poeng,  og gjekk vidare i lag med Stryn ungdomsskule, Feios skule i Vil  og Kvåle skule i Sogndal som hadde 11 poeng. Fylkesfinalen blir arrangert i Førde tysdag den 4.april og blir sendt direkte på radio og på nett denne dagen kl. 15.00. Alle dei fire laga stiller no heilt likt, og finalen består av to semifinalar, og ein siste finale. Laget som til sist står med flest poeng går vidare til den nasjonale finalen som blir sendt på NRK1 13. mai. Det blir spennande å følge med gjengen vår frå EUS. Vi ynskjer dei lykke til!!

klassequiz komp og kutta